ქ. თბილისის მუნიციპალიტეტის საჯარო სამართლის იურიდიულ პირს – ქალაქ თბილისის მუნიციპალიტეტის არქიტექტურის სამსახურს მისი ოფიციალური საიტის www.tas.ge მეშვეობით წარმოდგენილი #AR1604427 განცხადებით მომართეს გიორგი ხატრიშვილმა და გიორგი ბერაძემ და მოითხოვეს არქიტექტურის სამსახურის მიერ 2018 წლის 04 მაისის გამოცემულ #3942477 ბრძანებაში ცვლილების და დამატების შეტანა, ზემოხსენებული #AR1604427 განცხადებით წარმოდგენილი ობიექტის კორექტირებული არქიტექტურული პროექტის, საპროექტო ფოტომონტაჟის და განმარტებითი ბარათის შესაბამისად. სამსახურმა  საქართველოს  ზოგადი  ადმინისტრაციული  კოდექსის 96–ე  მუხლის  თანახმად,   გამოიკვლია  საქმისათვის  არსებითი  მნიშვნელობის  მქონე  ფაქტობრივი   და  სამართლებრივი გარემოებები, გადაამოწმა სამსახურის მონაცემთა ბაზაში არსებული ინფორმაცია და დაადგინა შემდეგი:

    არქიტექტურის სამსახურის მიერ 2018 წლის 04 მაისის გამოცემულ #3942477  ბრძანებით დაკმაყოფილდა გიორგი ხატრიშვილის  განცხადება, ნება დაერთო დაესრულებინა ქ. თბილისში, ქ. თბილისში, ცხვედაძის ქუჩა, N54ა-ში უნებართვოდ დაწყებული ინდივიდუალური საცხოვრებელი სახლის მშენებლობის დასრულება, რისთვისაც განესაზღვრა 12 თვის ვადა.

    საქართველოს ზოგადი ადმინისტრაციული კოდექსის 63–ე მუხლის 1–ლი ნაწილის თანახმად, „ადმინისტრაციულ-სამართლებრივ  აქტში ცვლილების ან დამატების შეტანის უფლება აქვს მის გამომცემ ადმინისტრაციულ-სამართლებრივ ორგანოს“ და გამომდინარე აქედან, მოცემულ შემთხვევაში არქიტექტურის სამსახური უფლებამოსილია დააკმაყოფილოს მოქალაქეების გიორგი ხატრიშვილის და გიორგი ბერაძეს # AR1604427 განცხადება და მოახდინოს #3942477 ბრძანებაში ცვლილების და დამატების შეტანა.